جندوبة: نضالات من وراء الشاشات…


تحية إلى الكاموريين و الكاموريات

🔴 اهم نقاط #إتفاق #الكامور، من واجبنا نهنوهم و نقولولهم صحة للرجال، و نحن هاوكا نوسعوا بالنا الكل و نقروهم في عقلنا، و نستنوا لعل الله يُحدث فينا أمرا، مادام في جندوبة مازلنا في مرحلة تخرج تحتج يحضروا كعبتين و كعبة، و 10 كعبات ياقفولهم كيف الشوكة و يعطلوهم حتى باش يحضروا في جلسات رسمية يدافعوا فيها على حق جهتهم، و 15 كعبة يتهموهم بأنهم يحطوا في العصى في العجلة ويستنوا في البشائر من السلطة الجهوية و متجندين لتلميع صور بعض الفاشلين، و 20 كعبة يهزوا في تقرير على الشعارات و عدد المحتجين للوالي و يقولولوا ما تملاش راسك بيهم، ما عندهم وين يوصلوا، و 100 كعبة تنبر في الطريق و يقلك ما عندك وين توصل و كان مشيتوا خدمتوا على رواحكم خير و انتم تحبوا تحتكروا الشارع وحدكم و مسكرين على رواحكم و ما تشركوش الناس في الخطوات الي تقرروا فيها، و 1000 كعبة شادين القهاوي و يندبوا على حظهم و يتشكوا من وضع البلاد و حال جندوبة و من الفقر و البطالة، و 100000 كعبة يناضلوا من وراء شاشات التاليفونات و الحواسيب و تسمع كان بلاد بلا رجال، و 200000 راكشين ما على بالهم بشيئ…

#العيب_منا_فينا
#الحقوق_تفتك_ولا_تهدى
#جندوبة_تستحق_ما_خير
#جندوبة_تريد_تنمية_حقيقية
#جندوبة_تريد_الحق_في_الحياة

شاهد أيضاً

مطار طبرقة عين دراهم الدولي.. المطار اللغز

مطار يقع في الشمال الغربي التونسي على شاطئ البحر على مرمى حجر من الحدود الجزائرية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.