الرئيسية / متفرقات / للمغرومين بالكامبينق نصايح لل campers الجدد

للمغرومين بالكامبينق نصايح لل campers الجدد

إذا كنت تحب تكمبي للمرة الأولى ، ثما برشا حاجات لازمك تعرفها و حط في بالك مش صعيب بش تكون a good camper ❤. الكلنا بدينا مالصفر ، وحتى الي عندهم الخبرة يجهلو برشا حاجات. حبيت نعطي شوية نصائح لل campers الجدد ، و تخليكم تاخذو الأمور ببساطة 😊.

القاعدة 1: Become Familiar With Your Gear.في العادة الجدد الي ماشين يكمبيو يستناو بش يوصلو للمخيم بش يجربوا المعدات الجديدة. و اذاكا علاش ديما نشوفو برشا يحيرو بش يركبو خيمة و يقعدو برشا وقت حتى يركبوها 😶.اذاكا علاش قبل ما تخرج تخيم بليلة ، ركب خيمتك في الدار و تفقدها مليح . تفقد بقية الماتريال كيما torche ، باور بانك بس تتأكد انهم يخدمو . جرب sleeping pad و sleeping bag و شوفهم مساعدينك في النوم و لا.

القاعدة 2 : Make (and Use) a Checklistاكثر الناس الي تخيم ينساو بش يعملو checklist او قائمة مرجعية. مخيبو الاحساس كي توصل للمخيم و تكتشف أنك نسيت حاجة 😥. الchecklist تستخدمها كي تبدا تحضر في الساك متاعك و ديما تحقق من كل عنصر. و اعمل مراجعة للقائمة حسب الحاجة. مثلا إذا تكسرت حاجة بدلها . و الحاجة الي مااستحقيتهاش في الكامب فسخها مالchecklist ☺

القاعدة 3: Arrive at the Campground Earlyاحسن حاجة تنجم تعملها انك توصل بكري للمخيم ، تنجم تختار بلاصة على ذوقك و تريقل امورك في عقلك خلال ساعات النهار.و ديما تذكر :” يكون الأمر أسهل كثيرًا عندما يمكنك رؤية ما تفعله. 😀😀

القاعدة 4: Plan Your Mealsالماكلة و يا بابا عل الماكلة😂 ، ديما اعمل حسابك شنوة تحب تطيب في الكامب و اعمل liste للمكونات . و من المستحسن تتسوق قبل يوم أو يومين من بش تبدى مرتاح و مكش ناسي شي . بش ما تتلزش و تاقف في شطر الطريق و تبدى على اعصابك و مكش عارف اش تشري☺☺ولازم تدرس البلاصة الي ماشيلها فيها مرشي قريب ولا عطار فطريقك خاطر الكامب تخلق بش نميو بيه السياحة الداخلية الي هيا كتخرج تقضي من عطار ولا خضار لمنطقة لماشيلها .

القاعدة 5: Observe Campground Rulesممكن الcampers الجدد ما يعرفوش الي مثماش خصوصية حقيقية في المخيم. و هذي مشكلة ديما نشوفو فيها ، ساعات تلقى جماعة مخيمين بجنبكم و حاطين لغناء و برشا جوجمة و حس و يحرموكم بش ترقدو بلقدا😑.ديما تذكر● :”” يرجى مراعاة ساعات الهدوء.”● تقتصر الخصوصية الصغيرة التي لديك على موقع التخييم الخاص بك.”● احترم المساحة التي اختارها المعسكرون الآخرون” ●لا تسير عبر موقع تخييم آخر للحصول على مكان”

القاعدة6: Bring Sufficient Clothingالتخييم ديما مربوط بالاستعداد. اغلب الوقت ينسى الcamper الجديد بش يجيب ما يكفي من الملابس. حاول تجيب ملابس مختلفة. بش تستحق لبسة imperméable في حالة هطول الأمطار ، ولا ملابس السباحة للغطس ، و حتى لبسة متع الليالي الباردة☺.

القاعدة 7: Avoid Severe Weatherإذا كنت متشمت في روحك ، برا خيم تحت المطر. التخييم هو الاسترخاء في الهواء الطلق ، اذاكا علاش ننصحك ما تمشيش تخيم إذا كنت تعرف أن الطقس خايب و المطر بش تصب بدون انقطاع . ثماش احساس اخيب من انك تقعد في خيمتك نهارين محصور 😥. حتى بعد ما يركح الطقس بش تولي كلها طبعة و تمرميد😥.لازمك تكون عارف روحك علاش قادم

القاعدة 8: GO DURING THE WEEK, RATHER THAN THE WEEKENDإذا كان الجدول الزمني الخاص بك يسمح بذلك ، الأحسن انك تمشي وسط الجمعة بش تتجنب الأكتضاض و ترتح بالك😍●●● حكاية الوسخ هذيكا من المسلمات لازمك كتخرج تهز معاك ساك بوبال ولا ساك متع سكر نيلون كاسحة تلم فيها زبلتك وكيف تجي خارج تهزها معاك خاطر كان كل واحد يطيش زبلة بش يتضر منها الحيوان والطبيعة ونتحرمو منها ناس كل خاطر بش تولي مصب تع زبلة وتتسكر عليا وعليك وهاذي يعني حاجة بديهية ، الي يخرج و يخلي بلاصتو مسخة مهوش محسوب على الجماعة الي تخيم . اسمو سي المسخ😊وهذا انسان جاهل ومهوش كامبور ومهوش محب لطبيعة هذا انسان همجي وسبب فخراب وتلوث المناخ البيئي .

شاهد أيضاً

جندوبة: بلاريجيا الأثرية.. الوجه الآخر للسياحة الثقافية

مدينة بلاريجيا الأثرية متواجدة على بعد 8 كلم من مدينة جندوبة تعد من أشهر المدن …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.