راديو عين دراهم أخبار عين دراهم لحظة بلحظة
مقالات مشابهة
تونس دولة لاهي صغيرة ولاهي كبيرة
لاهي ديمقراطية ولاهي دكتاتورية
لاهي مدنية ولاهي اسلامية
لاهي دينية ولاهي علمانية
لاهي باردة ولاهي سخونة
لاهي افريقية ولاهي اوروبية
لا نربحو ولا نخسرو
لا نكورو ولا نخليو شكون يكور
نظامها لاهو برلماني ولاهو رئاسي
السدود معبية والماء يقص
المطر تصب والخضرة غالية
البحر موجود والحوت غالي
الشمس موجودة والطاقة الشمسية ما فماش
نمركيو للعباد ونمركيو لرواحنا
العيشة لا تفهمها لا غالية لا رخيصة
لا تفهم الشعب فقير ولا غني
لا تفهمو متدين ولا زبراط
لا تفهمو يصوم ولا يفطر
لا تفهمو يحب تونس ولا يكرها
لا تفهم عنا ثروات ولا ما عناش
لا تفهمنا مثقفين ولا مسطكين
لا تعرفنا فُسّاد ولا نحاربو فالفساد
لا تعرفنا متاع حرية ولا متاع فوضى
لا تفهم عملنا ثورة ولا انتفاضة
لا تعرفنا سمر ولا بيض
لا تعرفنا نحبو الحار ولا الحلو
لا تعرفنا نحبو البارد ولا السخون
تونس كي تقعد فيها تكرهها وكي تخرج منها تتوحشها
تونس مش كيما أي بلاد أخرى.. تونس حاجة درا كيفاش . .. ماشين ببركة ربي وربي ان شاء الله ديما ساترنا .. وبرا هكاكا ..
#الكبدة_مشومة
