راديو عين دراهم أخبار عين دراهم لحظة بلحظة
مقالات مشابهة
عندك مدة و إنت تخمم باش تبعث مشروعك📈 و إلي موقفك هو خوفك تفشل🤔 ؟
حاجة عادية عالإخر!
على خاطر لكلنا تربينا على مفهوم المسمار 📌في حيط و استانسنا نعيشو في zone de contort متاعنا و منحبوش نخرجو منها…
أما خليني نقلك حاجة…
فما جملة أنا نتبناها في حياتي كشعار و نحب نشاركها معاكم :
“إنك متنجحش في حد ذاتو مهوش فشل… أما الفشل هو
إنك تجهل الأسباب الي خلتك متنجحش..”
على هذا ليوم حبيت نحكي معاكم على أربع عوامل أساسية لنجاح أي مشروع.
نبداو بأول عامل وإلي هو:
-Right Knowledge – المعلومات الصحيحة-✔️
العامل هذا أساسي في حياتنا عموما…
المعلومات المنقوصة أو المغلوطة هي سبب أساسي من أسباب عدم وصولنا لأهدافنا🎯…
لهذا إسعاو ديما انو تكون عندكم المعلومات الصحيحة و الكاملة الي توصلكم الاهدافكم…
يقول القايل من وين نجم نجيب المعلومات هذي ؟!؟
ربي في كتابو يقول :”فَاسْأَلُوا أَهْلَ الذِّكْرِ إِنْ كُنْتُمْ لَا
تَعْلَمُونَ ” و أهل الذكر هوني هوما الناس الي نجحت في تحقيق نفس الهدف و
عاشو تجربة الوصول👥…
نمشيو للعامل الثاني الي هو :
-Right You -الشخص الصحيح-✔️
هوني القصد انك تكون الشخص المناسب للمشروع👦…
باش تكون رائد أعمال لازم تتميز بصفات معينة.. أولهم التحلي بروح الشجاعة 🏋🚶الي تخليك تخرج ديما من دائرة الراحة متاعك… و برشا صفات أخرى تنجم تكتسبهم…
العامل الثالث هو:
-Right Vehicle – المركبة الصحيحة-✔️
العامل هذا سبق و حكيت عليه في مقال سابق و الي هو تحديد فكرة المشروع المناسبة..
المقال موجود في هذا الرابط:
https://cutt.ly/SeSNbAS
العامل الرابع هو:
-Right Time – الوقت الصحيح-✔️
العامل هذا يتلخص في انك تختار الوقت⏰⏰ الملائم الي يتناسب مع مشرعك…
باهي هذي عوامل أساسية لنجاح اي مشروع… لكن كل مشرع عندو خاصياتو و عوامل نجاح متاعو…
أن شاء الله في مقالات أخرى نتعمقو أكثر في كل عامل و نحكيو أكثر Business…
