راديو عين دراهم أخبار عين دراهم لحظة بلحظة
مقالات مشابهة
كانك من غادي اقرأ للآخر وأكتب…
القمح منين 🤔🤔 من غادي
الخضرة منين 🤔 من غادي
السكر منين🤔 من غادي
الماء منين🤔 من غادي
الحطب منين🤔من غادي
الحديد منين🤔من غادي
النسمة منين🤔من غادي
الثلج منين 🤔من غادي
الآثار منين 🤔 من غادي
الرمان منين🤔من غادي
الجبونات والحليب منين🤔 من غادي
الزڨوڨو منين🤔من غادي
المرجان منين🤔 من غاادي
الكليل والزعتر منين🤔من غادي
والفن والرحلات والجبال والوديان والمسرح والتراث والمخارق والزلابية والفرنان والحمامات الاستشفائية،
والماشية والترانات والفروسية والتاريخ والجغرافيا…
لكلهم من غادي…
مطمورة روما، غادي
زيت اللاس زيت الملوك غادي
رمان تستور غادي
غابات غارديماو وعين دراهم وفرنانة… غادي،
آثار روما وقرطاج وما قبلهم وما بعدهم… غادي،
كانو الملوك يتداوو.. غادي،
كان فما رئيس كيف يمرض يمشي يرتاح… غادي،
يكمبو الشباب.. غادي،
حمام بورقيبة وبياضة وملاڨ ولمة الاحباب.. غادي،
وادي مجردة وسد سيدي سالم وبني مطير وملاڨ والبراق والطقس موالم.. غادي،
المصيد والجمال وغادي الثلج في روس الجبال.. وغادي، العروش حاربو فرانسا بالكرتوش.. غادي،
الكنوز… غادي،
كرموس دجبة ونوار اللوز… كل شي غادي،
كل شي موجود والخير خير ربي غادي،
كان التنمية غايبة.. غادي،
ربي عطا خيرو وسيدي عربي راعي الرعية بغضهم… غادي،
كانت في الأيام مع روما وقرطاج ويوغرطا بقدرها وكل شي فيها حتى جا شكون هملها وفقرها وهز الخير لبلايص آخرين وهز مع الخير ولادها يبنو ويخدمو في رزق الغير..
شكون عرفها “غادي” وين تجي؟؟
زعمة يجي نهار و تنهض، “الغادي”
زعمة ذيبها يرڨى صعدة، “الغادي”
هذا مرهون بوقفة الرجال الأحرار اللي من غادي،
