الرئيسية / أخبار / أخبار وطنية / تعريف داء الفطر الاسود او ال mucormycose

تعريف داء الفطر الاسود او ال mucormycose

توضيح : داء الفطر الاسود او ال mucormycose بالعربية، انتشر الآن بصفة كبيرة على الفايسبوك في تونس بسبب مقال صحفي عنوانه: اكتشاف اول حالة لهذا المرض في تونس.. و الصورة تحت هي صورة مجهرية للحزازية التي تسببه.

اش معناها المرض هذا؟ هو مرض نادر تابع الفطريات , السبب متاعو moisissure اسمها mucor (لكن فما برشا انواع لا داعي لذكرها، باعتبار ال mucor اكثر وحدة منتشرة) و من هنا جاءت تسمية المرض بالفرنسية. الحزازية هاذي موجودة في التراب و في الهواء و حتى في انسجة بدن الانسان نفسو! لكن، هذه الحزازية، استغلالية. ففي الوضع العادي، مناعة الانسان تكون صدا لها، لكي يعيشوا مع بعض و كانهم في هدنة. لكن، و مع ضعف المناعة باي سبب كانت، تستغل هذه الحزازية الفرصة لتهاجم خاصة الانف، العين و ال sinus اي الجيوب الانفية و الدماغ.

باهي، وعلا مرضى السكري اكثر عرضة؟ احنا نستقبلوهم المرضى هاذم في تونس عادة في قسم ORL, و لاحظنا انو اغلبتهم مرضى بالسكري.. و السبب واضح: السكري يسبب ضعف في المناعة خاصة ان لم يكن معدلا كما ينبغي. 👤وعلا سماوه الفطر الاسود بالعربية؟ ببساطة، علا خاطر المرض هذا، ساعات يعطي des tâches noires في الوجه. 👤و شنوا اعراضو دكتور؟ ✅خشمك مسكر و ساعات يجري منو الدم. ✅عينيك توجع و تشوف الدنيا مضببة. ✅وجيعة في الراس. ✅خشمك يجري منو الدم. ✅سخانة. 👤هل هو مرض معدي؟ قطعا لا. ماهوش معدي. 👤و عندو علاقة بال vaccin متاع الكورونا؟ لا، ايضا. 👤مالا، عندو علاقة بالكورونا نفسها؟ عملوا دراسة في الهند، لاحظوا فيها ارتفاع حالات الفطر الاسود لدى المرضى بالكورونا، و جميعهم مرضى بالسكري. و فسروا ذلك, بان مرض السكري يضعف المناعة نوعا ما، ليسانده فيروس الكورونا في مزيد اضعاف المناعة، ثم يسانده اكثر ال stéroïdes في مزيد انهاك المناعة .. يعني، كانك تضع الزيت فوق النار.. و من هنا، تستغل ال mucor الوضعية السانحة لمهاجمتك. 👤و نجم نبرا منو دكتور؟ للاسف، 50% تمنع منو. لكن معانا احنا كاطباء في تونس، تنجم توصل ل 70% لدرايتنا الكافية بهذا المرض. 👤مالا، كيفاش ناقي روحي و انا diabétique و زدت مرضت بالكورونا؟؟ ✅ ديما قيس GAD و خلي نسبة السكر معدلة في جسمك. ✅و خاصة خاصة، رد بالك ثم رد بالك تاخو ال stéroïdes من راسك و انت مريض بالكورونا، لانو لا بد ان تكون ال durée محددة لعدم انهاك المناعة.. و هنا الطبيب فقط، اعيدها الطبيب فقط هو من يحدد لك ذلك. و عندما اقول stéroïdes تعرفون عما اتحدث زملائي. 👤اه باهي، مالا شنوا الغالط في الخبر اللي هبط؟ الصحفية، قالت اول حالة في تونس، و كيما نعرفو كلمة ‘اول حالة’ يعني مرض جديد علينا في تونس، و كي نقولو مرض جديد، معناها ماناش مستانسين بالعلاج متاعو.. اما هو في الحقيقة، مرض منتشر بصفة محدودة في تونس و ماهوش مرض جديد في تونس.. و احنا كاطباء رائدون الآن في علاج ال mucormycose.

مقال للتوعية و عدم تهويل المرض، خاطر بلادنا مش ناقصة امراض جديدة في الوضع الصحي هذا.

شاهد أيضاً

الديوان الوطني للزيت يعلن عن توفر الزيت المدعم

تبعا لتوفر كميات من زيت الصوجة المكرر، يعلم الديوان الوطني للزيت كافة معلبي الزيت النباتي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.