راديو عين دراهم أخبار عين دراهم لحظة بلحظة
مقالات مشابهة
يا خضراء اشبيك شنت؟
لا فرحت و لا تبسّمت.
يا خضراء اشبيك هنت
و رموك قد ما دلّلت؟؟
يا خضراء يا لمّيمة ..
يا سالبة العقول بالتبسيمة
يا لندرا مكدّراتك غيمة
ولا الفرح راح هجرك ديما
يا خضراء يا ولّادة …
يا جايبة “المرحوم” سيد أنداده
اشبيهم بدلوك بالوسّادة
و صار الطحين فوق العادة؟؟؟
يا خضراء يا لحنينة …
يالكنت للربيع الزينة.
اشبيك قعدت حزينة
و أولادك كاس الهوان شاربينه؟؟
يا خضراء يا محبوبة
يا زينة الاوطان يا مرتوبة
اشبيه ولدك كشف عيوبه
و خان الودّ و الثّرى و الطّوبة؟؟
شعر: توفيق خ.
