راديو عين دراهم أخبار عين دراهم لحظة بلحظة
مقالات مشابهة
الساعة الثامنة مساء🇹🇳.. التاريخ 4 أفريل.. الطقس بدا يدفا..🌞 الشوارع خالية والناس الكل قدام التلفزة تستنا في وزير الصحة.. موش في رئيس الجمهورية ولا رئيس الحكومة..
الخبر.. تونس برات🇹🇳.. نوصلو لنسبة متعافين أكثر مالمصابين لأول مرة ملي بدا المرض في تونس والعالم.. والحجر وفا..👏
اي نعم.. صارت في تونس.. الناس مش مصدقين..
مرة أخرى.. تونس هي الإستثناء..
بديت نسمع في الزغاريد في الحومة.. خرجت.. شميت ريحة الزهر🌼.. والبحر⛵.. رمضان عالأبواب🌙. سمعت لطفي بوشناق والأسماء الحسنى..
خرجت الرجال تبكي وتصيح.. الكورونا وفات.. الكورونا وفات..
مشيت لوسط البلاد لقيت العباد تبكي وتعنق في الشوية أطباء وممرضين👩🍳 ومطوعين والجيش والبوليسية👨✈️ طايحين على ركايبهم مالتعب.. هزوهم عالأكتاف وخرجو يغنيو حماة الحمى…🇹🇳
الشي هذا موش بعيد وموش مستحيل#شد دارك.. صحيح احنا شعب فيه الخايب والباهي وبرشا جواعة وأنانيين أما زادة فيه أكثر واعين ومثقفين ومنورين و صلاح ومتقين وقارين وعلماء وأذكياء👍 و.. و..
قرينا واحنا صغار👩🏫 :
النور ديما يجي بعد الظلمة.. هذي قاعدة في الحياة.. وإن مع العسر يسرا.. والفجر يجي بعد الظلام..🌞
مافماش علاش القاعدة هاذي متكونش تو لينا.. تو تكحال مبعد يفرجها ربي..
واحنا علينا ناخذو بالاسباب..
مديدة وكل شي يوفا.. وتقعد هذي حكاية نحكيوها لصغار صغارنا…
